बचत कर्ताको पैसा फिर्ता दिन नसक्दा शिव शिखर सहकारीको तुलसीपुर शाखा केही दिनका लागि बन्द

तुलसीपुर।तुलसीपुरमा स्थित शिव शिखर बहुउद्देश्यीय सहकारी संस्था लिमिटेक केही दिनका लागि बन्द भएको छ। गत शुक्रबार संस्थाले एक विज्ञप्ती निकालेर केही दिनका लागि सहकारी बन्द रहने जनाएको छ ।

शिव शिखर बहुउद्देश्यीय सहकारी संस्थाका अध्यक्ष शुशिल बानियांद्वारा हस्ताक्षर गरिएको विज्ञप्तीमा भनिएको छ ‘सम्पुर्ण बचत कर्ता शेयर सदस्य मानहभावहरुमा जानकारी गराउँदछौ कि हालको आर्थिक मन्दीका कारण सबै बचत कर्ताहरु एकै पटक चल्ती खाता मुद्धती र शेयरको रकम झिक्न आउँदा पुजि व्यवस्थापन हुन नसकेका कारण तुलसीपुर कार्यालय केही दिनका लागि बन्द गरिएको कुरा सम्पुर्णमा जानकारी गराउँदछौ ।

साथै यस शिव शिखर बहुउद्देश्यीय सहकारी संस्थाको मर्जर प्रकृया हुने भएकाले केही समयका लागि अर्को सूचना नआएसम्म तथा पुजी व्यवस्थापन नभएसम्म कार्यालय बन्द रहने कुरा जानकारी गराउँदछौ विज्ञप्तीमा भनिएको छ ।