दाङमा आठ महिनाभित्र आधुनिक सिनेमा हल निर्माण गर्छौ : नायक अर्जुन श्रेष्ठ

दाङ । अभिनेता अर्जुन श्रेष्ठले दाङमा आफुले आधुनिक प्रविधियुक्त सिनेमा हल  निर्माण गर्ने तयारी गरेको बताउनु भएको छ ।

शनिवार चलचित्र पत्रकार सघ नेपाल, दाङ शाखाको आयोजनामा तुलसीपुरमा भएको साक्षात्कार कार्यक्रममा श्रेष्ठले कोरोना महामारीले गर्दा दाङका धेरैजसो सिनेमा हलहरु बन्द अबस्थामा रहेकोले आफ्नो पहलमा करिब आठ महिना भित्र आधुनिक प्रविधियुक्त हल निमार्ण गरि यहाँका दर्शक श्रोताहरुलाई सुविधा दिने काम अघि बढाएको बताउनु भयो ।

समाजसेवी तथा व्यावसायि यज्ञ बहादुर केसी लगायतको उपस्थिति रहेको उक्त कार्यक्रम चलचित्र पत्रकार सघ नेपाल, दाङ शाखाका अध्यक्ष सन्तोष केसीको अध्यक्षतामा भएको थियो। यसैगरी उक्त कार्यक्रममा सम्पुर्ण अतिथि तथा सहभागीलाई चलचित्र पत्रकार संघ नेपाल, दाङ शाखाका पुर्ब अध्यक्ष धुर्बराज न्यौपानेले स्वागत मन्तव्यबाट स्वागत गर्नुभएको थियो । उपाध्यक्ष पुर्ण केसीले धन्यवाद ज्ञापन गर्नुभएको आजको कार्यक्रमको सहजीकरण संघको सचिब निरला अर्यालले गर्नुभएको थियो ।