नेपालमा एशियाली ऋण महासंघ (अक्कू) फोरम २०२३ सम्पन्न हुने । 

काठमाडौं । ०३ माघ

एशियाली ऋण महासंघ (अक्कू) फोरम २०२३ आउदो सेप्टेम्बरमा काठमाडौंमा सम्पन्न हुने भएको छ ।

एशियाली मुलुकका बचत तथा ऋण सहकारी संघ संस्था र सहकारी बैंक हरुको छाता संगठनको रुपमा रहेको  एशियाली ऋण महासंघ (अक्कू) को आयोजना  एबम  नेपाल बचत तथा ऋण  केन्द्रीय सहकारी संघ लि. नेफ्स्कून र राष्ट्रिय सहकारी बैंक को संयुक्त  सह आयोजना रहने गरि   ” अक्कू  फोरम २०२३ ” सम्पन्न  हुन लागेको हो ।

सो सम्बन्धमा  नेपाल भ्रमणमा रहेका अक्कुका चिफ अफ टेक्निकल अफिसर रञ्जित हितराची र प्रमुख कार्यकारी अधिकृत एलिनिता भि स्यान रोक्के नेफ्स्कून र सहकारी बैंकसँग फोरमको सहआयोजकका रुपमा छुट्टाछुट्टै सम्झौता गरेका छन् ।

आज एक कार्यक्रमका बीच  एशियाली ऋण महासंघकी प्रमुख कार्यकारी अधिकृत एलिनिता भि स्यान रोक्के र राष्ट्रिय सहकारी  बैंकका प्रमुख कार्यकारी अधिकृत बद्रि गुरागाई  बीच र गत शुक्रबार  नेफ्स्कूनका प्रमुख कार्यकारी अधिकृत प्रकाश प्रसाद पोखरेल  बीच समझदारी पत्रमा हस्ताक्षर भएको  हो  ।

सन् २०२३ को सेप्टेम्बर ११ देखि १७ ( २०८०  भाद्र २५ देखि ३१ )  सम्म काठमाडौंमा आयोजना हुने फोरममा २५ भन्दा बढी एशियाली रास्ट्रका ३०० जनाको सहभागिता रहनेछ । नेपालबाट पनि करिब  एक सय जनाको सहभागितामा रहने अपेक्षा गरिएको छ ।

फोरममा मानव संसाधन विकास कार्यशाला, सिइओ कार्यशाला, युवा तथा महिला कार्यशाला लगायतका हुनेछन् ।  कार्यक्रममा एसियाली ऋण महासंघको ४२औं साधारण सभा समेत हुनेछ । यसअघि सन् २०२० मा अक्कू फोरम नेपालमा आयोजना गर्ने घोषणा भएको भएपनि कोभिड १९ का कारण स्थगित भएको थियो ।