तुलसीपरमा दर्शै विशेष कार्यक्रमबारे पत्रकार सम्मेलन हुने

तुलसीपुर, दाङ । उज्यालो नेटवर्क एण्ड मल्टिपर्पोज प्रालि मुख्य आयोजक र सह–आयोजक फेलोशिप ट्रेनिङ सेन्टर तुलसीपुरको संयुक्त आयोजनामा भोलि (शुक्रबार) बिहान सरसफाइ कार्यक्रम हुने भएको छ।

आयोजकका अनुसार तुलसीपुर–५ स्थित अरनीको मैदान परिसरमा बिहान ८ बजेदेखि ९ बजेसम्म सरसफाइ अभियान सञ्चालन हुनेछ।

सोही दिन बिहान ९ बजेदेखि उज्यालो नेटवर्क एण्ड मल्टिपर्पोज प्रालिको आयोजनामा दशैं–तिहारलाई स्वागत गर्दै एक दिने “दशैं विशेष सांस्कृतिक तथा खेलकुद कार्यक्रम” आयोजना हुने पनि जनाइएको छ।

कार्यक्रमलाई भव्य र सभ्य रूपमा सम्पन्न गर्नका लागि बिहान ९ बजे पत्रकार सम्मेलनसमेत राखिएको छ। पत्रकार सम्मेलनमा दाङ जिल्लामा सक्रिय सम्पूर्ण सञ्चारकर्मीहरूको उपस्थितिका लागि आयोजक संस्थाले हार्दिक अनुरोध गरेको छ।