दाङको बिजौरीमा शनिबार पनि बजार खुल्ने

तुलसीपुर।दाङको बिजौरीमा अब शनिबार पनि पसल खुल्ने भएका छन्।

बिजौरी उद्योग वाणिज्य संघको शुक्रबार बसेको आकस्मिक बैठकले नजिकिँदै आएका चाडपर्वलाई मध्यनजर गर्दै भोलि साउन २४ गतेदेखि कार्तिक १५ गतेसम्म शनिबार पनि बजार खुला गर्ने निर्णय गरेको हो।

त्यस्तै, बैठकले भदौ १४ गते हुने संघको १२औं वार्षिक साधारणसभालाई भव्य र सभ्य तरिकाले सम्पन्न गर्न विभिन्न उपसमिति गठन गरेको महासचिव दीपक कुमार बस्नेतले जानकारी दिनुभयो।संघका अध्यक्ष रेश्मीराज खडकाको अध्यक्षतामा बैठक सम्पन्न भएको हो।

बिजौरीमा शनिबार बजार खुल्दा उपभोक्ताले किनमेलका थप अवसर पाउनेछन्। विशेषगरी चाडपर्वको बेला भीडभाड हुने भएकाले यसले भीड व्यवस्थापनमा पनि सहजता ल्याउने अपेक्षा गरिएको छ। व्यापारीका लागि यो निर्णयले बिक्री बढाउने सम्भावना छ भने दैनिक उपभोग्य वस्तु किन्न शनिबार पर्खनुपर्ने बाध्यता पनि हट्नेछ।