लुम्बिनी प्रदेशसभाको बैठक १० दिन पछि आज बस्दै

दाङ । लुम्बिनी प्रदेशसभाको १० दिन पछि आज बस्दैछ । बजेटको बिषयमा किचलो उत्पन्न हुँदा बैठक स्थगित भएको थियो । प्रदेशसभा सचिवालय सूचना जारी गर्दै मंगलबार दिउसो ३ बजेका लागि छैठौं अधिवेशनको चौधौं बैठक आह्वान गरिएको जानकारी दिएको छ ।
आजको बैठकमा आर्थिक मामिला तथा योजना मन्त्री धनेन्द्र कार्कीले वक्तव्य सहित आगामी आर्थिक बर्ष २०८२/०८३ को राजस्व र व्ययको अनुमानित बजेटको सैद्धान्तिक छलफलका लागि सभामा पेश गर्ने छन् ।

त्यसपछि त्यस माथि छलफल शुरु हुने छ । छलफलमा उठेका प्रश्नहरुको जवाफ मन्त्री कार्कीले दिने छन् । आजै कार्कीले आगामी आर्थिक बर्ष २०८२/०८३ को विनियोजन विधेयक सभामा पेश गर्ने छन् । त्यसपछि त्यसमाथि पनि छलफल प्रारम्भ हुने छ ।
आगामी बर्षको बजेट प्रस्तुत भइ सकेपछि असार ७ गते बस्ने भनिएको बजेटको बिषयलाई लिएर उत्पन्न आन्तरिक किचलोका कारण बस्न सकिरहेको थिएन ।