दाङ विद्युतिय व्यवसायि संघको शुभकामना आदानप्रदान कार्यक्रम सम्पन्न

दाङ। दाङ विद्युतिय व्यवसायि संघले आज एक कार्यक्रमको आयोजना गरी शुभकामना आदानप्रदान कार्यक्रम सम्पन्न गरेको छ। दाङ जिल्ला उद्योग बाणिज्य संघका अध्यक्ष बसन्त राज जोशीको प्रमुख आथित्यतामा भएको उक्त कार्यक्रममा संघका पदाधिकारी, सदस्यहरू तथा विभिन्न क्षेत्रका व्यवसायीहरूको उत्साहजनक उपस्थिति रहेको थियो।

कार्यक्रममा कार्यक्रमका प्रमुख अतिथि बसन्त राज जोशीले उपस्थित सबैलाई शुभकामना दिँदै संघले आगामी दिनमा व्यवसायी हितका लागि थप सक्रिय भूमिका खेल्ने बताउनुभएको थियो। विद्युत व्यवसायी संघ दाङको भित्तेपात्रो विमोचन तथा नयाँ वर्ष २०८२ को शुभकामना आदानप्रदान कार्यक्रमको प्रमुख अतिथि समेत रहनु भएका दाङ जिल्ला उद्योग वाणिज्य संघका अध्यक्ष वसन्त राज जोशीले भित्तेपात्रो विमोचन गर्दै  व्यवसायीहरूले कर प्रणालीप्रति सचेत रहनुपर्नेमा जोड दिनुभयो। उहाँले भन्नुभयो, “आफ्नो व्यवसायलाई दिगो बनाउन करसम्बन्धी कानुनी ज्ञान आवश्यक छ। कारोबार गर्दा पारदर्शिता अपनाउँदै सम्पूर्ण कर प्रक्रिया विधिसम्मत ढंगले गर्नु अहिलेको आवश्यकता हो।”

यस्तै दाङ विद्युतिय व्यवसायि संघका अध्यक्ष डुल्लुराम पोख्रेलले सम्बोधन गर्दै व्यवसायीहरूबीच आपसी समन्वय र सहकार्य आवश्यक रहेको बताउनुभयो।कार्यक्रममा संघका कानुनी सल्लाहकार लेखनाथ काफ्ले ,प्रेस सल्लाहकार तिलक राज वली,सल्लाहकार नन्दकिशोर डाँगी ,सचीव पृतम पान्डे,सदस्य श्रीधर न्यौपाने लगायतले शुभकामना मन्तव्य राख्नुभएको थियो भने महासचिव सन्तोष कुमार खड्काले कार्यक्रमको संचालन गर्नुभएको थियो।