सहयोगी साकोसको तिज मिलनमा घन्किए सहकारी सन्देशका भाका 

तुलसीपुर। दाङ तुलसीपुर उपमहानगरपालिका-५, स्थित सहयोगी वचत तथा ऋण सहकारी संस्था लि.को आयोजनामा तिज मिलन कार्यक्रम तथा सदस्य स्वागत कार्यक्रम  शनिबार सम्पन्न भएको छ ।

संस्थाका सदस्य तथा महिला उपसमितिको संयोजक कमला अधिकारीको अध्यक्षता तथा संस्थाका अध्यक्ष डिलाराम बिष्ट को प्रमुख आतिथ्यतामा सम्पन्न भएको थियो । तिज मिलन कार्यक्रमको उपलक्ष्यमा गरिएको उक्त कार्यक्रमलाई सम्बोधन गर्दै संस्थाका पुर्ब अध्यक्ष तथा सल्लाहकारहरु रुप बहादुर खत्री,कर्ण बहादुर वली र उपाध्यक्ष लाल बहादुर केसी लगायतले सहकारीको महत्त्व बारे सचेतता मुलक मन्तव्य दिनुभएको थियो। यसैगरी कमला अधिकारी लगायतको समुहले सहकारी बारे सचेतता मुलक तिज गितले सहभागीलाई मनोरञ्जन दिनुभएको थियोे ।

सहयोगी साकोसका नयाँ सदस्यलाई सम्मान समेत गरिएको उक्त कार्यक्रमलाई मिना केसीले संचालन गर्नुभएको थियो।