तुलसीपुर उद्योग वाणिज्य संघको निर्वाचनमा संस्थापकको साथ शाहको प्यानललाई

दाङ । तुलसीपुर उद्योग वाणिज्य संघको यहि बैशाख २९ गते हुने निर्वाचनमा संस्थापक अध्यक्षको साथ ललितजंग शाहको प्यानललाई रहने भएको छ।

आज शोमबार उम्मेदवारी दर्ता गर्ने क्रममा तुलसीपुर उद्योग वाणिज्य संघका संस्थापक अध्यक्ष डिल्ली बहादुर बस्नेतले आफुहरुको साथ साझा व्यवसायिक प्यानलका उम्मेदवारहरुलाई रहने घोषणा गर्दै जितको अग्रिम शुभकामना दिनुभएको छ।

ललितजंग शाहको नेतृत्वमा साझा ब्यवसायिक प्यानलका उम्मेदवारहरुले केहिबेर अघि आफ्नो उम्मेदवारी दर्ता गराउनु भएको छ। साझा प्यानलका उम्मेदवारलाई नेपाली कांग्रेसको बिद्रोही टिम,नेकपा एमाले,माओवादी केन्द्र,राप्रपा,रास्ट्रीय जनमोर्चा लगायत साना दलको समर्थन रहेको छ।

यसैगरी बिनिल केसी नेतृत्वको प्यानलले समेत उम्मेदवारी दिएको निर्वाचन समितिले जानकारी दिएको छ। शोमबार दिउँसो चार बजेसम्म उम्मेदवारी दर्ता गर्ने समय रहेको छ।