माओवादी केन्द्र तुलसीपुरको अध्यक्षमा मोहन थापा चयन

तुलसीपुर। नेकपा माओवादी केन्द्र तुलसीपुरको अध्यक्षमा मोहन थापा चयन हुनुभएको छ ।

दाङको तुलसीपुरमा विहीबार सम्पन्न पार्टीको पूर्ण बैठकले थापालाई अध्यक्षमा सर्बसम्मत चयन गरेको हो । थापा यस अघि उपाध्यक्षको जिम्मेवारीमा रहेर काम गर्नुभएको थियो । त्यस्तै बैठकले उपाध्यक्षहरुमा तुलाराम भण्डारी, भिम चौधरी र अमर नेपाली‘माइकल’लाई चयन गरेको छ,भने  सचिबमा शसिकिरण ढकाललाई चयन गरिएको छ ।

पार्टीको दोहोरो जिम्मेवारीमा रहन नहुँने पार्टीको विधान अनुरुप आगामी अधिवेशन सम्मका लागि नयाँ कमिटि चयन गरिएको हो।पार्टी नगर अध्यक्ष खुसीराम चौधरीको अध्यक्षता तथा केन्द्रीय कमिटि सदस्य जगप्रसाद शर्मा‘अपार’को प्रमुख आतिथ्यमा बैठक भएको हो ।

बैठकमा पार्टीका केन्द्रीय सदस्य धनबहादुर मास्की‘राजेश’, सल्लाहकार कमिटि सदस्य शेसुराम भण्डारी, दाङ जिल्ला सहइन्चार्ज रामबहादुर दहित, जिल्ला समन्वय समिति संयोजक हरिमान पुन‘बरुण’, तुलसीपुर नगर इन्चार्ज डिल्ली अधिकारीलगायतले मन्तब्य ब्यक्त गर्दै पार्टीलाई थप मजबुत बनाउन पार्टीमा एकता आबश्यक हुने र त्यसमा सबै लाग्नुपर्ने बताउनुभयो । बैठकको संचालन सचिब तुलाराम भण्डारीले गर्नुभएको थियो ।