अनलाइन सन्देश
१७ मंसिर २०८०, आईतवार २०:११
दाङ । दाङको तुलसीपुरमा अन्य पार्टी त्यागेर निर्मल परियारको नेतृत्वमा एक सय ८५ जना माओवादी केन्द्रमा प्रवेश गरेका छन् । तुलसीपुर बसपार्क स्थित सम्झना टोलमा आईतबार भएको कार्यक्रमबाट एमाले,काँग्रेसलगायतका पार्टी परित्याग गरि माओवादी केन्द्रमा समाहित हुनुभएको हो।
नवप्रवेशीहरूलाई पार्टीमा केन्द्रीय सदस्य तथा लुम्बिनी प्रदेश अर्थमन्त्री धनबहादुर मास्की र पार्टीका निर्वाचन आयोग समिति संयोजक कुबेर ओलीलगायतले स्वागत गर्नुभएको थियो। त्यस अवसरमा नव प्रवेशीहरूले पश्चिम दाङमा माओवादी केन्द्रको सरकारले नै विकासको ढोका खोलेकाले आफूहरूले त्यसमा सहयोग गर्ने बताएका छन् । त्यस अवसरमा मन्त्री मास्कीले जनताले जुन अपेक्षा देखेर गोलबद्ध हुन आएका छन्, ती अपेक्षा पूरा गर्ने बतउनु भयो।
© 2022 सर्वाधिकार सुरक्षित onlinesandes.com
Developed By:
