सल्यानमा बस दुर्घटना हुँदा दुई जनाको मृत्यु

सल्यान । सल्यानको कपुरकोट गाउँपालिका स्थित मुलपानी नजिकै यात्रुबहाक बस दुर्घटनामा परेको छ । दुर्घटनामा परि दुई जना महिलाको घटनास्थलमै मृत्यु भएको हो।

शनिबार दाङ तुलसीपुरबाट सल्यानको छत्रेश्वरी गाउँपालिका झिम्पे जयचौर जाँदै गरेको ना ६ ख ५४६३ नम्बरको बस मुलपानी बनस्पति कार्यालय नजिकै दुर्घटनामा परेको हो ।

दुर्घटनामा चालकसहित ५ जना गम्भीर घाइते भएको मुलपानी बनस्पती कार्यालयका प्रमुख मित्र पाठकले बतउनुभयो । यसैगरी मृत्यु हुनेमा तुलसीपुर उपमहानगरपालिका-६ निवासी बर्ष ३१ कि सुमित्रा सुनार र सल्यान त्रिवेणी गाउँपालिका-६ निवासी अन्दाजी बर्ष ४० कि अनिता बोहरा रहेको जिल्ला प्रहरी कार्यालय सल्यानले जनाएको छ ।