पाल्पामा पहिरोले स्कार्पियो च्यापिदा तीनको मृत्यु, ८ जना घाइते 

बुटवल । पाल्पाको रिब्दिकोट गाउँपालिका-२ जोर्तेमा पहिरोले स्कार्पियो पुर्दा ३ जनाको मृत्यु भएको छ। ८ जना घाइते भएका छन्।

गुल्मीको तम्घासबाट बुटवल जाँदै गरेको लु १ ज ४६०० नम्बरको स्कार्पियो गाडी जोर्तेमा पहिरोमा परेको जिल्ला प्रहरी कार्यालय पाल्पाले जानकारी दिएको छ।

जिल्ला प्रहरी कार्यालय पाल्पाका प्रहरी नायब उपरीक्षक वीरेन्द्र थापाका अनुसार पहिरोमा परी ३ जनाको घटनास्थलमै मृत्यु भएको र तीन बच्चासहित ८ जनालाई उद्धार गरिएको हो।

घटनास्थलमा पुगेका जिल्ला प्रहरी कार्यालय पाल्पाका सुचना अधिकारी डिएसपी वीरेन्द्र थापाका अनुसार घाइतेहरुको उपचारका लागि तानसेनस्थित लुम्बिनी मेडिकल कलेज पठाइएको छ । मृत्यु हुनेमा दुई पुरुष र एक जना महिला छन् । दुर्घटना बुधबार बिहान ८:१५ मा भएको हो । जोर्तेमा सडक साँघुरो र उकालो भएका कारण यहाँ सधै दुर्घटनाको जोखिम रहेको प्रहरीको भनाइ छ ।