नेकपा (माओवादी केन्द्र) तुलसीपुर ९ नम्बर वडाको बिस्तारीत बैठक सम्पन्न

तुलसीपुर । नेकपा(माओवादी केन्द्र)तुलसीपुर उपमहानगरपालिका -९,नम्बर वडाको बिस्तारीत बैठक सम्पन्न भएको छ।

वडा अध्यक्ष मदन प्रकाश हमालको अध्यक्षता तथा तिन महिने अभियान इन्चार्ज सिता वलीको प्रमुख आतिथ्यतामा भएको उक्त बिस्तारित बैठकले भदौ १६ गते हुने वडा भेलालाई भब्य बनाउने र वडा कमिटीको टिम तिन महिने अभियानमा जनताको घर-घर जाने निर्णय समेत गरेको छ।

बैठकलाई सम्बोधन गर्दै प्रमुख अथिति समेत रहनु भएको सिता वलीले तिन महिने संगठन सुदृढीकरण तथा जनसम्बन्ध बिस्तार अभियानले पार्टीको पुनःनिर्माणमा महत्त्वपूर्ण भुमिका खेल्ने बताउनु भयो।

बैठकमा वडा इन्चार्ज केशव वली,एकीकृत अखिल शिक्षक संगठन दाङका अध्यक्ष झक्कु प्रसाद केसी,रास्ट्रीय उद्योग ब्यापार महासंघका तुलसीपुर नगर कमिटी अध्यक्ष घनश्याम डाँगी लगायतले प्रशिक्षण मुलक मन्तव्य राख्नुभएको थियो।