आईडीएल सहकारी संस्था निरन्तर सेवाको २५ औ वर्षमा प्रवेश, रजत जयन्ती कार्यक्रम सम्पन्न

सप्तरी । सप्तरी जिल्लाको राजिवराजमा अवस्थित आइडियल सहकारी संस्थाले शुक्रबार श्रावण १९ गते देखि  २४ बर्ष पार गर्दै २५ वर्षमा प्रवेश गरेको छ । शुक्रबार एक कार्यक्रमको आयोजना गर्दै संस्था स्थापनाको २५ स्थापना दिवस एवम  रजत जयन्ती समारोह मनाइएको छ  । संस्थाका अध्यक्ष्य गणेश कुमार आश कोअध्यक्ष्यता एबम राष्ट्रिय सभा सदस्य शेखर कुमार सिँहकाे प्रमुख आतिथ्यमा सम्पन्न कार्यक्रममा संस्थाका  शेयर सदस्य,  संचालक,  कर्मचारी, समाजसेवी एबम शुभचिन्तक गरि करिब १०० जनाको उपस्थितिमा संस्थाले केक काटेर हर्ष उल्लासका साथ  रजत जयन्ति मनाएको हो  ।

२४  वर्ष अगाडी २०५६ श्रावण १९ गते  ४२  जना शेयर सदस्य मिलेर स्थापना गरेको  आइडियल सहकारी संस्थाले आफ्नो २५ औ रजत जयन्ति सम्म आइपुग्दा १४,४२५  शेयर सदस्य र २५  जना कर्मचारी को बिशाल परिवार बनेको संस्थाका अध्यक्ष्य गणेश कुमार आश ले जानकारी दिनु भयो ।

कार्यक्रमको सभाध्याक्ष्य गर्नु भएका संस्थाका अध्यक्ष्य आश ले संस्थाको हाल सम्मको वित्तीय विवरण प्रस्तुत गर्नु भएको थियो । जस अनुसार संस्थाको आर्थिक बर्ष ०७९/८० को असार मसान्त सम्म कुल  शेयर पुंजी ११ करोड ३० लाख चार सय रूपैया, कुल  निक्षेप  ८५ कराेड ९० लाख ३८ हजार ७७८ रुपैया ८५ पैसा संकलन गरेको र १२८३ जना शेयर सदस्य लाइ ८१ करोड ३६ लाख ७९ हजार ८५८ रुपैया ६७ पैसा कर्जा  लगानी गरि कुल १ अर्ब २० करोड ३९ लाख ४५ हजार ७२९ रुपैया ६३ पैसाको कुल सम्पत्ति तथा दायित्त्व ( वासलात ) रहेको समेत अध्यक्ष्य आशले जानकारी गराउनु भयो ।

त्यस्तै अध्यक्ष्य आशले आर्थिक बर्ष ०७९/८० मा संस्थाले  ४ करोड ३५ लाख ७१ हजार ७ सय ११ रुपैयाँ ४८ पैसा खुद मुनाफा समेत गर्न सफल भएको प्रतिवेदन समेत प्रस्तुत गर्नु भयो । अध्यक्ष आश ले ६० वर्ष भन्दा बढी जेष्ठ सदस्य बचतकर्ताहरूलाई ध्यानमा राखी न्यूनतम मौज्दात १ लाखभन्दा बढी बचत रकम पुगेका सदस्यहरूलाई निशुल्क तीर्थाटन गराउने ब्यवस्था गरेको बताउनु भयो  । नारी बचत खातामा न्यूनतम मौज्दात ५० हजार कायम गरेमा १ लाख बराबरको दुर्घटना बिमा गर्ने तथा साउन र तिजको अवसरमा निशुल्क मेहन्दी लगाई दिने कार्यक्रम संचालन गर्ने जानकारी दिनु भयो  ।

कार्मायक्रममा बोल्दै  राष्ट्रिय सभा सदस्य शेखर कुमार सिँहले आइडियल सहकारी संस्थाले २५ वर्षमा प्रवेश गरेको अवसरमा शुभकामना दिदै संस्थाले  निरन्तर रूपमा समाजको आर्थिक र सामाजिक  उत्तरदायित्व पुरा गरि सदस्यको समग्र  विकासमा सहयोगको भूमिका निर्वाह सँगै समुन्नत सहकारी बन्न  शुभकामना दिनु भएको छ ।

यसैगरी कार्यक्रममा बिशेस अतिथिको भूमिकामा  मधेश प्रदेशका प्रदेश सभा सदस्य सतिश सिँहले केहि सिमित  ब्यक्तीको स्वार्थमा धेरै संस्था डुबेकोले आइडियल सहकारी  संस्था सप्तरीमा मात्र नभई मधेस प्रदेशमै  स्थापित संस्था भएकोले यो क्षेत्रमा पुर्याएको  समाजिक विकास र आर्थिक पहुँचमा पुर्याएको योगदानको मुक्त कण्ठले प्रशंसा गर्नु भयो  ।

त्यसैगरि   राजबिराज नगरपालिका का.वा. नगरप्रमुख ईसरत प्रविणले आइडियल सहकारीले राजबिराज सहित सप्तरीको आर्थिक विकासमा महत्वपूर्ण योगदान  पुर्याएको र आगामी दिनमा समेत प्रशंसा योग्य कार्य गर्न शुभकामना दिनु भयो  ।

साथै गैर सरकारी संस्था  महासँघका केन्द्रीय उपाध्यक्ष ध्रुव देवले आइडियल सहकारी संस्था  सर्वसाधारणको आशा विश्वास र भरोसाले भरियाको  संस्था भएकोले  समाजका निम्न बर्गको आर्थिक उन्नतिमा सहयोग पुग्ने विश्वास व्यक्त गर्नु भयो ।

२५ औ बर्ष २५ कार्यक्रम अभियानमा चालू आर्थिक  बर्षमा जलवायु परिवर्तन, रक्तदान, युवाका लागि विशेष कार्यक्रम,खेलकुद, संचार क्षेत्रको बिकास, स्वास्थ शिविर, मैथली भाषा साहित्यको बिकास मुलक कार्यक्रम, सचेतनामूलक कार्यक्रम जस्ता समुदायलाई प्रत्यक्ष फाइदा पुग्ने कार्यक्रम संचालन गर्ने अध्यक्ष आशले बताउनु भयो  ।

यसैगरी समाजसेवी ई. इन्द्र नारायण देवले देशमा हाल आर्थिक संकट भइरहेको बेला आइडियल सहकारीले  समुदायलाई आर्थिक रूपमा सबल बनाउन ठुलो भुमिका निर्वाह गरेकोमा खुलेर  प्रशंसा गर्नु भयो  भने संस्थाप्रति इमान्दारितापूर्वक र  सेवाग्राही प्रति उत्तरदायी भएर लागेमा संस्थाले आगामी दिनमा थप  प्रगति गर्न सक्ने बताउनु  भयो ।

सो अवसरमा पुर्व नगरप्रमुख तथा आइडियल  सहकारी संस्थाका शैलेश चौधरी, रास्ट्रीय  सहकारी बैंक संचालक समिति सदस्य बिश्वनाथ मण्डल, आईडियल सहकारीका ब्यबस्थापक बिनोद कुमार  साफी, मैथली साहित्य परिषद अध्यक्ष तथा कान्तिपुर सहकर्मि अबधेश झा, कंचनपुर सहयोगी संस्थाका अध्यक्ष अनोज यादब, लखिन्द्र साह लगायतले शुभकामना मन्तव्य दिएका थिए भने कार्यक्रमको सहजीकरण संस्थाका सचिव राजेश झाले गर्नु भएको थियो  ।