प्रधानमन्त्री प्रचण्डकी पत्नी सीता दाहालको निधन

काठमाडौं । प्रधानमन्त्री पुष्पकमल दाहाल प्रचण्डकी पत्नी सीता दाहालको निधन भएको छ । उपचारको क्रममा उहाँको काठमाडौंको थापाथलीस्थित नर्भिक अस्पतालमा निधन भएको हो ।

प्रधानमन्त्री पत्नी सीता दाहालको बुधबार बिहान ८ बजेर ३३ मिनेट जाँदा निधन भएको नर्भिक अस्पताल र प्रधानमन्त्री प्रचण्डको सचिवालय सदस्य रमेश मल्लले त्यसको केहिबेर अघि पुष्टी गर्नुभएको छ ।
प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल `प्रचण्ड´ की जीवनसंगिनी, माओवादी केन्द्रका सल्लाहकार सीता दाहालको आज बिहान ८:३३ बजे असामयिक निधन भएको छ। आमाप्रति हार्दिक श्रद्धाञ्जली, परिवारजनमा गहिरो समवेदना!

उहाँको पार्थिव शरीरलाई श्रद्धाञ्जलीका लागि ११ बजेदेखि १ बजेसम्म पार्टी केन्द्रीय कार्यालय पेरिसडाँडा, कोटेश्वरमा राखिने र २ बजे पशुपति आर्यघाटमा अन्तिम संस्कार गरिने प्रधानमन्त्रीको सचिवालयले जनाएको छ।