एसइई उत्तीर्णलाई पुर्बप्रधानमन्त्री ओलीको सन्देश : आफ्नो रुचिको आधारमा विषय छनोट गर्नु

काठमाडौँ ।नेकपा एमालेका अध्यक्ष केपी शर्मा ओलीले माध्यमिक शिक्षा परीक्षा (एसइई) उत्तीर्ण गर्ने विद्यार्थीलाई बधाई  दिदै केहि सुझाव दिनुभएको छ।

ओलीले बिहीबार सामाजिक सञ्जालमार्फत एसइईको परीक्षामा विभिन्न ग्रेडमा उत्तीर्ण हुने सम्पुर्ण विद्यार्थीलाई बधाई दिदै ,“शिक्षामा आफूले छनोट गरेको विषयमा निरन्तर सफलता प्राप्त होओस् । जीवनका सम्पूर्ण परीक्षा सफल होउन्, उत्तरोत्तर प्रगतिको कामना ।” भन्नुभएको छ।

पुर्बप्रधानमन्त्री तथा एमाले अध्यक्ष ओलीले एसइई उत्तीर्ण विद्यार्थीलाई अबको पढाइमा विषय छनोट गर्दा हाल प्राप्त गरेको अंकको आधारमा भन्दा आफ्नो आन्तरिक रुचिको आधारमा आफ्नो पढाइलाई अघि बढाउन सुझाव दिनुभएको छ।