तुलसीपुर खानेपानीको अध्यक्षमा भण्डारी,सचीवमा  भुसाल,कोषाध्यक्षमा थापा निर्वाचित

दाङ । दाङको तुलसीपुर खानेपानी उपभोक्ता तथा सरसफाइ संस्थामा सचीव बाहेक अन्य सबै पदमा नेपाली काँग्रेसले समर्थन गरेको एमकान्त भण्डारी नेतृत्वको लोकतान्त्रिक प्यानलका उम्मेदवार निर्बाचित हुनुभएको छ।

निर्वाचन समितिका संयोजक प्रदिप कुमार धिताललका अनुसार अन्तिम मतपरिणाममा अध्यक्ष पदका उम्मेदवार नेपाली कांग्रेसका यमकान्त भण्डारीले २९६९ मत ल्याएर निर्वाचित हुनुभएको छ । यसैगरी उहाँको प्रतिस्पर्धामा साझा प्यानलको नेतृत्व गनुभएका माओवादी केन्द्रका सीताराम शर्मा आचार्यले  २३८१ मत प्राप्त गर्नुभएको छ । त्यसैगरी एमालेका मनोज लामिछानेले १ हजार २ सय १३ मत प्राप्त गर्नुभएको छ ।

त्यसैगरी उपाध्यक्षमा काँग्रेसका नारायण शर्माले २७०६ मत ल्याएर निर्वाचित हुनुभएको छ। एमाले नेतृत्वका राप्रपाका लक्ष्मण केसीले १९०३ र राजोमाका दुर्गा प्रसाद भण्डारीको १४२० मत प्राप्त गर्नुभएको छ । त्यसैगरी नेकपा एमाले निकट भुवन भुसालले २४५१ ल्याएर निर्वाचित हुनुभएको छ। उहाँको प्रतिस्पर्धामा रहनुभएका कांग्रेसका रञ्जन कुमार शर्माले २४१३ मत प्राप्त गर्नुभएको छ । यस्तै साझा प्यानल बिप्लबका रुद्रबहादुर वलीले १०९७ मत प्राप्त गर्नुभएको छ ।

त्यसैगरी कोषाध्यक्षमा नेपाली काँग्रेस नेतृत्वका भोला प्रसाद थापाले ३२६८ मत प्राप्त गर्दै निर्वाचित हुनुभएको छ। उहाँको निकटतममा रहनुभएका एमाले निकट सुशीला न्यौपानेले  १४२३ मत प्राप्त गर्नुभएको छ । यसतै माओवादी केन्द्रका कर्णबहादुर वलीले १२०६ मत प्राप्त गर्नुभएको छ ।

यस्तै खुला सदस्य पदमा नेपाली कांग्रेसका प्रमोद कुमार योगी (शरद)ले २ हजार ५०७ मत ल्याएर निर्वाचित हुनुभएको छ । यस्तै कांग्रेसकै बुद्धिराम चौधरीले २ हजार १२० मत प्राप्त गरेर निर्वाचित हुनुभएको छ । यस्तै महिला सदस्यमा नेपाली कांग्रेसका लुमा बुढामगर २ हजार ३ सय ८५ मतका साथ निर्वाचित हुनुभएको छ । यसैगरी नेपाली कांग्रेसकै शुष्मा अधिकारीले २ हजार ४५९ मत ल्याएर निर्वाचित हुनुभएको छ। कांग्रेसकै शारदा सार्कीले २ हजार १४८मतका साथ महिला सदस्यमा निर्वाचित हुनुभएको छ ।

निर्वाचन समितिका संयोजक प्रदिप कुमार धिताललका अनुसार  गत शुक्रबार भएको निर्वाचनमा १० हजार ९१९ मतदातामध्ये ७ हजार १९८ मत खसेको थियो ।