दाङको बेलझुण्डीमा मोटरसाईकल दुर्घटना हुँदा दुई जना घाइते

दाङको बेलझुण्डीमा मोटरसाईकल दुर्घटना हुँदा दुई जना घाइते
दाङ । दाङमा मोटरसाईकल दुर्घटना हुँदा दुई जना घाइते हुनुभएको छ। सोमबार दिउसो साढे तीन बजेतीर घोराहीबाट तुलसीपुरतर्फ आउँदै गरेको लु ८८ प ८३९८ नम्बरको मोटरसाइकल र विपरित दिशातर्फ जाँदै गरेको रा २ प ५८१० नम्बरको मोटरसाइकल एकआपसमा ठोक्किदा उक्त दुुर्घटना भएको ईलाका प्रहरी कार्यालय तुलसीपुरका प्रहरी निरिक्षक विनोदराज खत्रीले जानकारी दिनुभयो ।

दुर्घटनामा परेर रा २ प ५८१० नम्बरको मोटरसाइकल चालक रोल्पाको त्रीवेणी गाँउपालिका-७ का ४७ बर्षका कृष्ण बहादुर डाँगी र लु ८८ प ८३९८ नम्बरका मोटरसाइकल चालक रुपन्देहीको बुटवल उपमहानगरपालिका-१२ का २७ वर्षका राम प्रसाद घिमिरे घाइते भएको प्रहरी निरिक्षक खत्रीले जानकारी दिनुभयो ।

घिमिरेकोे हात र टाउकोमा चोट लागेको छ। उहाँको  अहिले राप्ती लाइफ केयर अस्पतालामा उपचार भैरहेको छ । अर्का घाइते डाँगीको राप्ती पादेशीक अस्पताल तुलसीपुरमा उपचार भैरहेको छ ।घटनाका बारेमा थप अनुसन्धान भैरहेको प्रहरीले भनाइ छ ।