दाङ। लायन्स क्लब अफ दाङ क्यापिटल द्वारा विभिन्न क्षेत्रहरुका ब्यक्तिहरुलाइ स्वागत तथा सम्मान गरिएको छ ।
केहिदिन अगाडी जापानको ओसाकामा सम्पन्न रेस तेक्वान्दो खेलमा नेपालको तर्फबाट सहभागी भई स्वर्ण पदक ल्याउन सफल मोहन स्वर्णकार, स्टिल ग्रील तथा आल्मुनियम व्यवसायी संघ दाङको अध्यक्ष पदमा निर्वाचित दिपक के.सी, कोषाध्यक्ष पदमा निर्वाचित लालमणि ढकाल, प्रेस सेन्टर नेपाल तुलसीपुर को अध्यक्ष र सचिव पदमा निर्वाचित अध्यक्ष टेकराज भण्डारी र सचिव रिता के.सी लाई एक कार्यक्रमका बिच स्वागत तथा सम्मान गरिएको हो ।
लायन्स क्लब अफ दाङ क्यापिटलका अध्यक्ष भिम प्रकाश वलीको अध्यक्षता तथा लायन्स क्लब अफ दाङ क्यापिटलका संस्थापक अध्यक्ष हिमाल डाँगीको प्रमुख आतिथ्यता रहेको थियो । गायक तथा सर्जक कृष्ण रेउलेको बिशेष आतिथ्यता रहेको थियो ।
लायन्स क्लब अफ दाङ क्यापिटलका कोषाध्यक्ष दिपक राज खड्काको स्वागत मन्तव्यबाट सुरु भएको कार्यक्रमको सहजीकरण लायन्स क्लब अफ दाङ क्यापिटलका सचिब प्रकाश भुषालले गर्नुभएको थियो ।
अनलाइन सन्देश
