नेफ्सकुनमा अबकाे नेतृत्व कसको ?

काठमाडौं २३ मंसिर 

नेपाल बचत तथा ऋण केन्द्रीय सहकारी संघ लि (नेफस्कुन) को  आसन्न साधारण सभाले अबको चार बर्षको लागि  नयाँ  नेतृत्व चयन गर्दै छ ।  यहि  पुष ७ र ८ गते काठमाडौंमा सम्पन्न हुने संघको ३२ औ साधारण सभाले नयाँ नेतृत्त्व चयन गर्ने छ । संघले सो सम्बन्धि निर्वाचन कार्यतालिका समेत सार्बजनिक गरेको छ  । आगामी नेतृत्वका लागि सञ्चालक समितिको अध्यक्ष लगाएत बिभिन्न पदहरुमा नयाँ तथा पुराना अनुहार हरु आकांक्षीको रुपमा आफुलाई प्रस्तुत गराई रहेका छन्  ।

अध्यक्ष पदका लागि  वरिष्ठ उपाध्यक्ष चन्द्रप्रसाद ढकालले सार्बजनिक रुपमा आफुलाई उम्मेदवार घोषणा गर्नु भएको छ  भने  वर्तमान अध्यक्ष परितोष पौड्यालले  पनि आफुलाई  दावेदारका रुपमा अघि सार्नु भएको छ  । यद्धपि सार्वजनिक रुपमा उम्मेदवारी घोषणा भने भैसकेका छैन।  परितोष पौड्याल एक पटक दोहोर्याउने पक्षमा रहँदा वरिष्ठ उपाध्यक्ष ढकालले नेतृत्वका लागि पूर्णत तयार रहेको भन्दै उम्मेदवारी घोषणा गर्नु भएको हो  । उहाले संघको इतिहास हेर्ने हो भने पनि सबै बरिष्ठ उपाध्यक्ष अध्यक्ष बनेको भन्दै आफू अब तयार रहेको विचार अभिव्यक्त  दिनु भएको छ । त्यस्तै  सोहि पदका लागि  निवर्तमान अध्यक्ष डिबी बस्नेतको चर्चा पनि सहकारीवृत्तमा नभएको हैन  ।  महिला सहकारीकर्मी हरुको आवाज भने यस पटक नेफ्स्कुनले महिला नेतृत्त्व पाउनु पर्ने र सो का लागि वर्तमान उपाध्यक्ष्य शान्ति अधिकारी अघि सर्नु पर्ने  एक महिला सहकारी नेत्रीले अनलाइन संदेशलाइ बताउनु भयो ।

यद्दपी सहकारीकर्मी हरुले संघको व्यवसायिक विकासमा  निरन्तरता र कार्यकुशलता हेर्दा र संघको इतिहास हेर्दा यसपाली अध्यक्ष्यमा चन्द्र ढकालले बाजी मार्ने सहज अनुमान लगाउन थालेका छन् । निरन्तर प्रक्रिया अबरुद्ध हुदा यो रोग प्रारम्भिक संस्थाहरुमा सर्न सक्ने हुदा अबको ४ बर्षको लागि  भए सर्वसम्मत नभए लोकतान्त्रिक पद्धति मार्फत वरिष्ठ उपाध्यक्ष्य लाइ नै नेतृत्व हस्तान्तरण गर्दा मोफसलमा राम्रो संदेश जाने सहकारीकर्मी माझ चर्चा चल्न थालेको छ । कतिपयले यो नेतृत्वको व्यवस्थापन देखिसकेको र बर्तमान परिस्थिति चिर्न नेतृत्व परिवर्तन गर्ने पर्ने समेत औल्याएका छन् ।

साथै बरिष्ठ उपाध्यक्ष्यमा बर्तमान महासचिव दामोदर अधिकारी र  बर्तमान  कोषाध्यक्ष दिपक पनेरुको दाबि रहने निकट  श्रोतले जनाएको छ  भने उपाध्यक्ष्य (महिला) मा गोमा नेपालको चर्चा चलेको छ ।

महासचिवमा बर्तमान लेखा संयोजक नवराज सापकोटा र  निबर्तमान कोषाध्यक्ष केशव पोख्रेलको दावी रहन सक्ने आकलन सहकारी वृत्तमा फैलिएको छ ।

त्यस्तै कोषाध्यक्ष पदमा  बर्तमान संचालक हरु जिवसराज खड्का, चण्डीप्रसाद शर्मा पौडेल र माधवप्रसाद जोशीको चर्चा रहेको छ । यद्धपि सार्वजनिक रुपमा उम्मेदवारी घोषणा गरिसकेका  भने छैनन् ।

त्यस्तै  लेखा संयोजक पदमा भने बर्तमान लेखा समिति सदस्य शुसिल कुमार बस्न्यातको चर्चा चलेको पाइएको छ । अन्य आकांक्षीहरुले भने भित्र भित्रै दाबेदारी प्रस्तुत गरेका छन् । घोषणा गरिसकेका छैनन् । पाए ठीक नपाए जुन सुकै  पदमा भएपनि चित्त बुझाउने पक्षमा उनीहरु छन् ।

यस्तै, सञ्चालकका लागि बरिष्ठ सहकारी बिज्ञ  शिव अधिकारीले आफ्नो उम्मेदवारी घोषणा समेत गर्नु भएको छ । २ दशक नेफ्स्कूनको उच्च व्यवस्थापनको जिम्मेवारी सम्हालिसकेका अधिकारीको  जनसम्पर्क राम्रो रहेको र  त्यही जनसम्पर्क नै आगामी निर्वाचनमा उनको विजयी शक्ति हुने धेरै सहकारी  अभियानकर्मीहरुको भनाइ छ । त्यसैले उहा  शसक्त दाबेदार रहेको  र आफू उम्मेदवार बन्ने घोषणा सार्वजनिक रुपमा एक  अन्तर्वार्तामार्फत  गर्नु भएको हो ।

त्यस्तै  काठमाडौं महानगरपालिका–३२, पुरानो सिनामंगलस्थित पाँच तारा बचत तथा ऋण सहकारी संस्थाको प्रतिनिधित्व गर्दै राधा  कडरियाले उम्मेदवारी दिनु हुने भएको छ ।

हक्की स्वभावकी कडरियाको सहकारी अभियानमा २६ वर्ष परिश्रम र योगदान मिसिएको छ । अभियान भित्र विभिन्न तहमा बसेर काम गरेकी उहा  पछिल्लो १६ वर्षदेखि पाँच तारा साकोसमा आवद्ध हुनुहुन्छ  । बागमती प्रदेश बचत तथा ऋण सहकारी संघमा समेत काम गरेको उहाको अनुभव छ । कडरिया राष्ट्रिय सहकारी महासंघद्वारा सञ्चालित ‘डिल्पोमा इन को-अपरेटिभ म्यानेजमेन्ट’ का फस्ट ब्याच समेत हुनुहुन्छ ।

त्यस्तै  सहकारी अभियन्ता एबम   एक्सेस ब्राण्ड प्राप्त चण्डेश्वरी बचत तथा ऋण सहकारी संस्था, बनेपाका प्रमुख सल्लाहकार बिकास बादे सञ्चालक समितिको सदस्यमा उम्मेदवारी दिने तयारीमा हुनुहन्छ  ।

२०४६ सालदेखि सहकारी अभियानमा क्रियाशील बादे चण्डेश्वरी साकोसको दुई कार्यकाल (१० वर्ष) उपाध्यक्ष, २ वर्ष कार्यकारी अध्यक्ष र दुई कार्यकाल अध्यक्ष भएका बादे स्वच्छ छविका सहकारी अभियन्तका रुपमा परिचित छन् । चण्डेश्वरी साकोसलाई नेपाल मात्रै नभई एशिया स्तरमै उत्कृष्ट बनाउन उनको परिश्रम र योगदान मिसिएको छ ।

नेफ्स्कूनको आसन्न चुनावी साधारण सभामा सञ्चालक बन्न तम्तयार बादे केन्द्रीय संघमा निर्वाचित भएर अभियान शुद्धीकरण र सबलीकरणको कामलाई अगाडि बढाउने सोचमा हुनुहुन्छ । ‘नेफ्स्कूनको सञ्चालन बनेर बचत तथा ऋण सहकारी अभियानलाई सुशासित, पारदर्शी र सदस्यमैत्री बनाउने र सहकारी मैत्री ऐन, कानुन निमार्णमा सरकारसँगको बहसपैरवीमा सक्रिय भएर लाग्ने सोच बनाएको छु ।’ आफूसँग प्रारम्भिक संस्था बलियो बनाउन नेतृत्वदायी भूमिका खेलेको अनुभव रहेको उहाको दाबी छ । ‘त्यसबाहेक स्वयंसेवी रुपमा अभियानमा निरन्तरता दिएको अर्को सवल पक्ष पनि मसँग छ,’ विषयगत केन्द्रीय संघ नेफ्स्कूनमा उम्मेदवारी दिने तयारीका कारण उत्साहित वादे थप्छन्, ‘मलाई पद र प्रतिष्ठाको लोभ होइन, केवल काम गर्ने भोक हो ।’