जेएन जि आन्दोलनमा दिवंगतलाई घरेलु उद्योग महासंघको श्रद्धाञ्जली

दाङ। नेपाल घरेलु तथा साना उद्योग महासंघ, तुलसीपुर शाखाले हालै जे एन जि आन्दोलनमा लागेर दिवंगत हुनुभएकाप्रति श्रद्धाञ्जली व्यक्त गरेको छ। आइतबार जारी विज्ञप्तिमा उहाँको योगदानले नेपाली समाजलाई ऐतिहासिक, सामाजिक र आर्थिक चेतनामा नयाँ दिशा दिएको उल्लेख गरिएको छ।

महासंघका तुलसीपर शाखा अध्यक्ष लालबहादुर केसी र महासचिव भक्तबहादुर ओलीको हस्ताक्षरित विज्ञप्तिमा उत्पादन, आत्मनिर्भरता, पुनर्निर्माण र समृद्धिको यात्रामा आनन्दले देखाएको बाटो पछ्याउन सबैलाई आह्वान समेत गरेको छ। विज्ञप्तिमा उद्योग, व्यवसाय पुनर्जीवन, सीप विकास, स्थानीय उत्पादन प्रवर्द्धन र युवाशक्ति परिचालनमार्फत आर्थिक उत्थानमा जोड दिइएको छ।