भाेली घाेराहीमा हुने एमालेकाे बृहत् सभाकाे तयारी पूरा,प्रधानमन्त्री वलीले सम्वाेधन गर्ने

दाङ। नेकपा एमालेकाे आयाेजनामा भाेली हुने बृहत् जनसभाकाे तयारी पूरा भएकाे छ । सभाका लागि मञ्च व्यवस्थापन,स्वंयसेवक परिचालन,माईक तथा साउण्डसिस्टम व्यवस्थापन ,प्रचारप्रसार,यातायात व्यवस्थापन लगायतका काम सम्पन्न भैसकेकाे छ ।

प्रधानमन्त्री तथा पार्टि अध्यक्ष केपी शर्मा वलीकाे उपस्थितिमा जिल्ला समन्वय समितिकाे मञ्चमा हुने सभामा करिव ५० हजार जनताकाे सहभागिता हुने एमाले दाङका अध्यक्ष शिवकुमार आचार्यले जानकारी दिनुभयाे ।जनसभा अघि घाेराहीका चार वटा क्षेत्रबाट बिभिन्न संस्कृति झल्कने झाँकी सहितकाे रर्याली निकालिने एमाले दाङका उपाध्यक्ष तथा जनपरिचालन उपसमितिका संयाेजक मनाेहर बुढाथाेकीले जानकारी दिनुभयाे ।

त्यसका लागि पूर्वबाट आउने जनता ट्राफिक चाेक,दक्षिणबाट आउने नेत्रलाल पार्क गुलरियाबाट,उत्तरबाट आउने सभाहलबाट र पश्चिमबाट आउनेलाई रतनपुर चाेकमा जम्मा गरेर बृहत् र्र्याली निकालिनेछ । ११ बजेदेखी र्याली दामाेदर चाेकमा एकीकृत भएर सहिद गेट हुँदै सभास्थलमा पुग्नेछ । सभामा उपस्थित हुनका लागि पार्टीको वडा कमिटी मार्फत प्रत्येक घरघरमा निमन्त्रणा समेत गरिसकेको र सयाै गाडी माफर्त हजाराै जनता सभामा सहभागी हुने एमाले दाङका सचिव श्याम डागीले जानकारी दिनुभएको छ ।

सभालाई व्यवस्थित बनाउन करिव ३०० जना स्वयंसेवक परिचालन गरिने युवा स्वयंसेवक परिचालन उपसमितिका संयाेजक सुदन केसीले जानकारी दिनुभयाे ।