पाल्पाको झल्को दिने तुलसीपुर महोत्सवको रानीमहल,[भोलि शनिबार आस्था,भुमिका र कृष्ण रेउलेको प्रस्तुति]

तुलसीपुर । पाल्पाको ऐतिहासिक तथा पर्यटकीयस्थलका रुपमा  रानीमहललाई लिने गरिन्छ।

कालीगण्डकी नदी किनारमा रहेको रानीमहललाई तत्कालीन जनरल खड्गशमशेरले आफ्नी रानी ‘तेजकुमारी’को सम्झनामा महल बनाउनुभएको इतिहास बिदको भनाइ रहेको छ।काली गण्डकीको किनारमा बनाइएको रानीमहल पाल्पा जिल्ला सदरमुकाम तानसेनदेखि झन्डै १३ किलोमिटर उत्तरमा रहेको छ। इतिहास बिदका अनुसार विसं १९५० मा शिलान्यास गरी १९५४ सालमा निर्माण गरिएको हो।

ठिक यसैगरी दाङ तुलसीपुरमा जारी महोत्सव स्थलमा पश्चिम गेट अर्थात (भिआइपि गेट) भन्दा उत्तर तर्फ बाँसले बारेर बनाइएको आकर्षक घर अर्थात सचिवालय रहेको स्थान तर्फ तपाईहरुले देख्न सक्नुहुनेछ पाल्पाको जस्तै आकर्षक रानीमहल। महोत्सव स्थलमा साँस्कृतिक कार्यक्रम पछि सबैको रोजाइ रानीमहल बनेको तुलसीपुर चेम्बर अफ कमर्सका उपाध्यक्ष मन्जित बाँठाले अनलाईन सन्देशलाई बताउनु भयो।

महोत्सवमा रुकुम पश्चिम, रोल्पा, सल्यान, दाङ लगायतका क्षेत्रबाट मानिसहरु आउने गरेको चेम्बरका बरिस्ठ उपाध्यक्ष सन्तोष खड्काले जानकारी दिनुभयो । यस्तै आज चर्चित गायिका टिका सानु,कृष क्षेत्री र माइलदाइले आफ्नो प्रस्तुति दिनुभएको थियो।

भोलि शनिबार आस्था,भुमिका र कृष्ण रेउलेको प्रस्तुति :
यसैगरी भोलि शनिबार चर्चित गायक कृष्ण रेउले, गायिका आस्था राउत,भुमिका गिरि लगायत स्थानीय कलाकारको बेजोड साँस्कृतिक प्रस्तुति रहने आयोजकले जनाएको छ।