देशबाट युवा पलायन रोक्न सबै लाग्नुपर्ने देखिन्छ : उद्योग तथा पर्यटन मन्त्री न्यौपाने

दाङ । आजदेखि सुरु भएको “दोस्रो तुलसीपुर महोत्सव २०८१” को उद्घाटन गर्दै लुम्बिनी प्रदेशका उद्योग तथा पर्यटन मन्त्री प्रचण्ड बिक्रम न्यौपानेले देशबाट भैरहेको युवा पलायन रोक्न सबै लाग्नुपर्ने बताउनुभयो ।मन्त्री न्यौपानेले भन्नुभयो,’पछिल्लो समय देशबाट भैरहेको युवा पलायनलाई रोक्न राज्यका तिनै तह लाग्नुपर्ने देखिन्छ। युवालाई यहि आफ्नो गाउँमै केहि उद्यम संग जोडेर लानुपर्छ भन्ने मेरो मान्यता छ।’

चेम्बर अफ कमर्स तुलसीपुरले आयोजना गरेको महोत्सव उद्घाटन कार्यक्रमका प्रमुख अथिति समेत रहनुभएका मन्त्री न्यौपानेले मेलाले कम्तिमा पनि दाङको शान मात्र नभएर देशको गहना बनेको थारु कला संस्कृतीलाइ आन्तरिक तथा अन्य मुलुकबाट लुम्बिनी घुन्न आउने पर्यटकलाई दुई दिन भए पनि दाङको भुमिमा बस्ने वातावरण तयार गर्नतर्फ महोत्सवले सन्देश दिनुपर्नेमा जोड दिनुभयो ।

दिउँसो १ बजेबाट सुरु भएको उद्घघाटन भएको महोत्सवमा  विधित कला संस्कृति झल्काउने झाँकि,जुलुस,नाच समेत गरिएको थियो। तुलसीपुर चेम्बर अफ कमर्स का अध्यक्ष ऋषिराज भण्डारीको अध्यक्षता,लुम्बिनी प्रदेशका उद्योग तथा पर्यटन मन्त्री प्रचण्ड बिक्रम न्यौपानेको प्रमुख आथित्यतामा भएको उक्त कार्यक्रममा चेम्बरका बरिस्ठ उपाध्यक्ष सन्तोष कुमार खड्काले स्वागत मन्तव्य मार्फत स्वागत गर्नुभएको थियो।

यस्तै कार्यक्रमको सहजीकरण महासचिव दुर्गा शर्माले गर्नुभएको थियो। महोत्सव यही १६ फागुन सम्म लाग्ने आयोजकले जनाएको छ।