माओवादी केन्द्रले तुलसीपुर ९ मा रक्तदान कार्यक्रम गरेर ३० औं जनयुद्ध दिवस मनाइँदै

तुलसीपुर । नेकपा (माओवादी केन्द्र) ले आज फागुन १ गते जनयुद्ध दिवसको अवसरमा विभिन्न कार्यक्रम गरेर दाङ लगायत अन्य जिल्लाहरुमा मनाइँदै छ।

नेकपा माओवादी केन्द्रले आज तुलसीपुरका विभिन्न वडामा रचनात्मक कार्य गरेर मनाउने निर्णय गरेको छ। यस क्रममा तुलसीपुर उपमहानगरपालिका ९ वडा कमिटीको आयोजनामा अहिले रक्तदान कार्यक्रम जारी छ।

नेकपा माओवादी केन्द्र लुम्बिनी प्रदेश सदस्य पान्डेको प्रमुख आथित्यता भएको कार्यक्रम मा प्रमुख अथिति पान्डेले जनयुद्धलाई कसैले अबमुल्यान गर्न नहुने बताउनुभयो । आजको समाज यो स्थिति सम्म परिवर्तन आउनुमा जनयुद्धको अहम भुमिका रहेको पाण्डेको दाबी छ। यसैगरी बिशिस्ट अथिति यज्ञ बहादुर केसी,अथिति केशव वली लगायत पार्टीका नेता तथा कार्यकर्ताको उपस्थितिमा कार्यक्रम भैरहेको छ ।

नेकपा माओवादी केन्द्र जिल्ला समन्वय समिति सदस्य केशव वलीका अनुसार ३० औं जनयुद्ध दिवसमामा यज्ञ बहादुर केसी,घनश्याम डाँगी,आफु स्वयं सहित ३० जनाले रक्तदान गरेर मनाउने बताउनु भयो।वलीका अनुसार रक्तदान गर्नेहरुलाई दाजुभाइ किराना पसलका संचालक केशव वली र पुस्पा वलीलेले जुस,केरा,अन्डा निशुल्क वितरण गर्नुभएको छ। कार्यक्रमको सहजीकरण पार्टीका पुर्व वडा अध्यक्ष मदन प्रकाश हमालले गर्नुभएको थियो।

माओवादी केन्द्र तुलसीपुर ५ र ६ वडाद्वारा अरनिको मैदान सरसफाइ

यसैबीच ३०औं जनयुद्धको दिवसको अवसर पारेर तुल्सीपुर उपमहानगरपालिका वडा नम्बर ५ र ६ नम्बर वडाले अरनीको मैदान सरसफाई गरेको माओवादी केन्द्रले जनाएको छ।

३० औं जनयुद्ध दिवस नगर सहसचिव प्रकाश वलीको आतिथ्यतामा भएको उक्त कार्यक्रममा,नगर कोषाध्यक्ष बालिका बुढा, ५ का वडा अध्यक्ष भिम बहादुर केसी, पुर्ब ५ न वडा  इन्चार्ज मिनराज भण्डारी,पुर्बवडा अध्यक्ष बेद प्रसाद वली,नगर प्रतिनिधि डिल्ली बहादुर वली,किशोर कुमार ओली लगायत अन्य थुप्रै व्यक्तित्वहरूको उपस्थितिमा पाँच र ६ नम्बर वडाका नेता कार्यकर्ताले अरनिको मैदान सरसफाइ गरिएको थियो।

२०५२ फागुन १ गतेबाट सुरु भएको जनयुद्ध २०६३ मङ्सिर ५ गते विस्तृत शान्ति सम्झौतामा रूपान्तरण भएको थियो। त्यही जनयुद्धको जगमा नेपालमा राजनीतिक परिवर्तन सम्भव भएको माओवादी केन्द्रका नेताकार्यकर्ताले दाबी छ। देशमा गणतन्त्र, संघीय प्रणाली, समावेशी लोकतन्त्र, सामाजिक न्यायजस्ता उपलब्धि जनयुद्ध र जनआन्दोलनको बलमा नै स्थापित भएको माओवादी केन्द्रको दाबी छ।