चेम्बरको पत्रकार सम्मेलन : ‘दोस्रो तुलसीपुर महोत्सव-२०८१’ को तयारी अन्तिम चरणमा

दाङ । दाङको तुलसीपुरमा ‘दोस्रो तुलसीपुर महोत्सव’ हुने भएको छ । तुलसीपुर चेम्बर अफ कमर्सको आयोजनामा फाुगन १ गतेदेखि १६ गतेसम्म हुन लागेको हो ।

तुलसीपुर चेम्बरले बुधबार आयोजना गरेको पत्रकार सम्मेलनमा
“स्वरोजगार आत्मनिर्भरता हाम्रो आधार,सहरदेखि गाउँसम्म व्यापार विस्तार” भन्ने मुल नाराका साथ कृषि, व्यापार, पर्यटन प्रबर्द्धन र कला संस्कृति संरक्षणका लागि फागुन १ गते देखि १६ गते सम्म महोत्सव संचालन गर्ने जानकारी दिएको छ ।

तुलसीपुर चेम्बर अफ कमर्स का अध्यक्ष ऋषिराज भण्डारीले चेम्बरको आफ्नै भवन निर्माणार्थ महोत्सव लगाउन लागिएको जानकारी दिनुभयो । महोत्सव तुलसीपुर–६ घोराहीरोडदेखि उत्तरतर्फ रहेको मैदानमा संचालन हुन लागेको हो । स्थानीय वस्तुको बजारीकरण, पर्यटकीयस्थलको प्रचारप्रसार र स्थानीय कला संस्कृतिको संरक्षण गर्ने उद्देश्य रहेको अध्यक्ष भण्डारीको दाबी छ ।

अध्यक्ष भण्डारीका अनुसार महोत्सवमा कृषिजन्य वस्तुको प्रदर्शनी, औद्योगिक प्रर्दशनी, हस्तकला, अटोमोवाइल्स, मेसिनरी तथा वित्तिय सूचना प्रविधिको प्रदर्शनी हुने छ ।यस्तै विभिन्न जातजातीको खानाको प्रदर्शनी, पर्यटकीय स्थलको प्रचारप्रसार हुने साधनको प्रदर्शनी, स्थानीय तथा राष्ट्रिय कलाकारको प्रस्तुती, स्थानीय कला संस्कृति झल्कने नृत्य तथा झाँकी, बालउद्यान रहने आयोजकले जनाएको छ ।

महोत्सव स्थल प्रवेशका लागि १०० रुपैँयाको टिकट शुल्क लाग्ने छ। यसैगरी ७० वर्ष माथिका जेष्ठ नागरिकले निशुल्क प्रवेश पाउने र विद्यार्थीलाई ५० रुपैँया मात्र तोकिएको छ । चेम्बरले तुलसीपुर उपमहानगरपालिकालाई २५ लाख राजश्व बुझाएर महोत्सव संचालनको अनुमति लिएको हो । महोत्सवमा स्थानीय व्यवसायीलाई २० प्रतिशत छुटमा स्टल प्रदान गरिने भएको छ । महोत्सव आउँदो फाुगन १ गतेदेखि १६ गतेसम्म लाग्नेछ।

तुलसीपुर चेम्बर अफ कमर्स का अध्यक्ष ऋषिराज भण्डारीको अध्यक्षता पुर्ब अध्यक्ष टोप बहादुर घर्तीको बिशिस्ट आथित्यता,उपाध्यक्ष सन्तोष खड्काको स्वागत मन्तव्य रहेको उक्त  पत्रकार सम्मेलनको सहजीकरण चेम्बरका प्रेस सल्लाहकार गोपाल शर्मा भट्टराइले गर्नुभएको थियो।