तुलसीपुरको एयरपोर्ट राम्रो बनाउन पहल गर्छु : शेरबहादुर देउवा

दाङ। नेपाली काँग्रेसका सभापति शेरबहादुर देउवाले दाङ तुलसीपुर टरिगाँउको एयरपोर्टलाई राम्रो बनाउन र विस्तार गर्नका लागि आफुले बिज्ञ संग छलफल गर्ने बताउनु भएको छ ।

शनिबार दाङको दंगीशरण गाउँपालिका वडा नम्बर ३,चखौरामा आयोजित अन्तर प्रदेशस्तरिय थारु सांस्कृतिक सम्मेलन तथा महोत्सव, मटावाँ, बडघर, भलमन्साहरुको अधिबेशनलाई सम्बोधन गर्दै पूर्व प्रधानमन्त्रीसमेत रहनुभएका देउवाले आफुले  एयरपोर्ट राम्रो बनाउन पहल गर्ने बताउनु भएको हो।

सभालाई सम्बोधन गर्दै पार्टी सभापति देउवाले भन्नुभयो,‘अब म सिधै बिषेशज्ञ संग कुरा गर्ने छु,’ सभापति देउवाले भन्नुभयो  ‘यदि हुन सक्ने रहेछ भने तुलसीपुरको एयरपोर्टलाई ठूलो मात्र हैन राम्रो एयरपोट बनाउन आफुले सक्दो पहल गर्ने छु ।’

देउवालले थारु समुदाय आफ्नो खुट्टामा उभिने मात्र नभै आफ्नो  कला,संस्कृति संरक्षणमा समेत उत्तिकै जागरुक बन्ने बेला भएको बताउनु भयो । एक फरक प्रसंगमा काँग्रेस सभापति देउवाले सार्वजनिक रुपमा मदिराको कुरा गर्नु गलत भएपनि जनजातिका उत्पादन र मदिरा ब्राण्डिन गर्नुपर्ने कुरा गर्दै गर्दा गुणस्तर र मापण्दण्डपनि पुरा गरेको हुनुपर्ने बताएका थिए ।

मटावाँ, बडघर, भलमन्सा महासंघका केन्द्रीय अध्यक्ष तथा लुम्बिनी प्रदेशका सांसद एवं पूर्व मुख्यमन्त्री डिल्लीबहादुर चौधरीको अध्यक्षतामा भएको कार्यक्रमलाई काँग्रेस केन्द्रीय सदस्य तथा पूर्व गृहमन्त्री बालकृष्ण खाँण, लुम्बिनीका मुख्यमन्त्री चेतनारायण आचार्य, काँग्रेस केन्द्रीय सदस्य तथा पूर्व मन्त्री दीपक गिरी, अर्का केन्द्रीय सदस्य गेहेन्द्र गिरी, केन्द्रीय सदस्य तथा पूर्व गृह राज्य मन्त्री देबेन्द्रराज कँडेल लगाएतले सम्बोधन गरेका थिए । त्यस्तै लुम्बिनीका उद्योग मन्त्री सरोज थापा, सामाजिक बिकास मन्त्री जन्यजय तिमिल्सिना, संस्कृति मन्त्री प्रचण्ड बिक्रम न्यौंपाने लगाएत सबै बक्ताले टरिगाँउ एयरपोर्टको बिस्तार, थारुको मदिरा ब्राण्डिङ गर्नुपर्ने कुराहरुमा जोड दिएका थिए ।

सोही कार्यक्रमलाई सम्बोधन गर्दै नेपाली काँग्रेस लुम्बिनी प्रदेश समिति सभापति अमरसिंह पुृन, तुलसीपुरका नगरप्रमुख टीकाराम खड्का, थारु कल्यानकारिनीका केन्द्रीय अध्यक्ष प्रेमीलाल चौधरी, मटवाँ महासंघका जिल्ला अध्यक्ष चन्द्रप्रकाश चौधरी लगाएत अन्य ब्यक्तित्वले थारु कला साँस्कृतिलाई जोगाउन सबै लाग्नुपर्ने बताउनुभयो ।

उक्त कार्यक्रमको सहजीकरण वेशका निर्देशक चुर्ण चौधरीले गर्नुभएको थियो ।तस्वीर -शरद रेग्मी