माओवादी केन्द्र तुलसीपुरको अध्यक्षमा मोहन थापा निर्वाचित

तुलसीपुर । नेकपा (माओवादी केन्द्र) तुलसीपुर उपमहानगर कमिटीको अध्यक्षमा मोहन थापा निर्वाचित हुनुभएको छ । आज सम्पन्न मतदानमा थापाले ३७ मत ल्याएर विजयी हुनुभएको हो । निर्वाचनमा थापाका प्रतिस्पर्धी तुलाराम भण्डारीले १२ मत, घनश्याम डाँगीले ७ र विष्णु चौधरीले ५ मत ल्याउनुभएको थियो।

त्यस्तै उपाध्यक्षमा भिम चौधरी, अमर नेपाली‘माइकल’ र इश्वरादेवी रोका निर्विरोध चयन हुनुभएको निर्वाचन समितिका कावा संयोजक झग्गु केसीले जानकारी दिनुभयो । त्यस्तै सचिबमा शसिकिरण ढकाल र कोषाध्यक्षमा बालिका बुढाथोकी निर्विरोध हुनुभएको छ।

त्यस्तै सहसचिबमा प्रकाश वलीले ३२ मत ल्याएर  निर्वाचित हुनुभएको छ, भने उहाँको प्रतिस्पर्धी मदन हमालले २७ मत ल्याउनुभएको छ । यसैगरी आज नै ६३सदस्यीय नयाँ कार्यसमितिले सपथ लिएको छ।