दाङ तुलसीपुरबाट प्रचण्ड गर्जन : ‘हाम्रा गल्ती सच्याउछौं, तपाईहरुले ८४ मा बहुमत दिनुहोस् ‘

दाङ। नेकपा (माओवादी केन्द्र)का अध्यक्ष तथा पुर्बप्रधानमन्त्री पुष्पकमल दाहाल प्रचण्डले आफुहरुबाट भएका गल्ती कमजोरी सच्याउन तयार भएकोले आउँदो ८४ को निर्वाचनमा माओवादी केन्द्रलाई बहुमत दिन अपिल गर्नुभएको छ ।

नेकपा (माओवादी केन्द्र) तुलसीपुर उपमहानगर कमिटिले शुक्रबार तलसीपुमा आयोजना गरेको पार्टीको तेस्रो नगर अधिवेशन उद्घाटन तथा खबरदारी सभालाई सम्बोधन गर्दै अध्यक्ष प्रचण्डले उक्त कुरा बताउनुभएको हो ।

पुर्बप्रधानमन्त्री समेत रहनुभएका अध्यक्ष प्रचण्डले भन्नुभयो -‘यो पटक म देशका ७७ जिल्लामा अपिल र अनुरोध गर्न म देशव्यापी अभियानमा गएको छु । हाम्रो पार्टीलाई ६४ मा मत दिनुभएका आम जनतालाई मेरो अनुरोध छ । हामीले हाम्रो गल्ती कमजोरी सच्याछौं । तपाईहरुले पनि आफ्नै छोराछोरी त हुन नी भनेर एकचोटी ६४ मा जस्तै माया गरिदिनुभयो भने बहुमत दिनुभयो भने ८४ मा हामी बहुमतमा आउनेछौं । त्यो बहुमतले यो देशबाट भ्रष्टाचारलाई जरैदेखि उखेलेर फाल्ने छ ।त्यसले सामाजिक बिभेदको अन्त्य गर्नेछ । न्याय स्थापित गर्नेछ । आर्थिक समृद्धिमा देश अगाडि बढ्ने छ । तपाईहरुले जनयुद्धमा साथ दिनुभयो । शान्तिप्रक्रियामा साथ दिनुभयो । अब भ्रष्टाचारविरुद्ध सामाजिक न्याय र आर्थिक समृद्धिको यो अभियानमा साथ दिनुहोस्।’

तेस्रो पटक सरकारको नेतृत्व गर्ने अवसर प्राप्त हुँदा आफुले यसअघिका कमिकमजोरीलाई सच्याएर जनताको पक्षमा भ्रष्टाचारविरुद्ध सुशासनको अभियान चालेको स्मण गर्दै अध्यक्ष प्रचण्डले सोही कारण जनतामा माओवादी पार्टी प्रति सकारात्मक धारणा बन्दै गएको बताउनुभयो ।