अखिल क्रान्तिकारीको अध्यक्षमा यसकारण मेरो उम्मेदवारी : उपदेशकुमार यादव

काठमाडौं । नेकपा (माओवादी केन्द्र)निकटको विद्यार्थी संगठन अखिल (क्रान्तिकारी) को भोलि (माघ १२ गते) हुने हुने आन्तरिक निर्वाचनका लागि सबै उम्मेदवारले प्रचार प्रसार लाई तीब्र बनाउनु भएको छ ।

अहिले क्रान्तिकारीको नेतृत्वका लागि ६ जना मैदानमा होमिएको अवस्था छ। जसमध्ये उपदेशकुमार यादव सबैभन्दा बढी चर्चामा रहनुभएको छ। यसैगरी सुदिन पौडेल, हेमन्त राई, विजयप्रकाश शर्मा, विश्वमणि थापा र योगेन्द्र बुढाले आआफ्नो तर्फबाट  उम्मेदवारी दिनुभएको छ ।

अखिल क्रान्तिकारीको सांगठानिक इतिहासमा नेतृत्वको लागि पहिलो पटक मधेशी समुदायको उम्मेदवारी परेको छ । एक दशकभन्दा बढी संगठनमा बिताएका रौतहट परोह नगरपालिकाका उपदेश यादवले आफूलाई अध्यक्षको दाबेदारका रूपमा उभ्याउँदै १७ संकल्प प्रस्तुत गर्नुभएको छ।

हालसम्म प्राविधिक शिक्षामा रोजगार र सीप जोडिन नसकेको भन्दै उहाँले शिक्षालाई उत्पादनसँग, उत्पादनलाई रोजगारसँग साथै रोजगारलाई समृद्धिसँग जोड्न आफ्नो उम्मेदवारी भएको उनले सुनाउनुभयो ।

मेरो उम्मेदवारी किन ?
१.मेरो उम्मेदवारी विद्यार्थी आन्दोलनलाई पुनर्जीवन दिन अखिल (क्रान्तिकारी)को पुनर्गठन गर्नका निम्ति हो ।

२.मेरो उम्मेदवारी नेपाली विद्यार्थी आन्दोलनलाई प्रश्नहरुको हैन, उत्तरहरुको विद्यार्थी आन्दोलन वनाउनका लागि हो ।

३.मेरो उम्मेदवारी विद्यार्थीका विचवाट विद्यार्थी नेता जन्माउन र विद्यार्थी नेतालाई शिक्षणसंस्था र कक्षाकोठातिर फर्काउनका निम्ति हो ।

४. मेरो उम्मेदवारी क्रान्तिकारी विद्यार्थी आन्दोलनलाई रहरलाग्दो , डरलाग्दो र भरलाग्दो वनाउनका लागि हो ।

५.मेरो उम्मेदवारी राजनीतिक एजेण्डामा रुमल्लिएको विद्यार्थी आन्दोनलाई विद्यार्थी र शैक्षिक मुद्धामा फर्काउनका निम्ति हो ।

६. मेरो उम्मेदवारी घिसिपिटे बनिरहेको विद्यार्थी आन्दोनलाई जुरुक्क उठाएर राष्ट्रियता , लोकतन्त्र र समाजवादको पहरेदार वनाउनका निम्ति हो ।

७.मेरो उम्मेदवारी नेपाली विद्यार्थी आन्दोलनलाई दवाव, जागरण र खबरदारीको अचुक निशाना वनाउनका निम्ति हो ।

८.मेरो उम्मेदवारी शिक्षालाई श्रमसित, श्रमलाई उत्पादन र रोजगारीसित, त्यसलाई समृध्दिसित र समृध्दिलाई समाजवादसित जोड्ने प्रणाली वहालीका लागि हो ।

९.मेरो उम्मेदवारी संविधानमा ग्यारेन्टी गरिएको शिक्षा , स्वास्थ्य र रोजगारीको मौलिक हकलाई कार्यान्वयन गर्नका लागि हो ।

१०.मेरो उम्मेदवारी राष्ट्रिय शिक्षा आयोगको प्रतिवेदन कार्यान्वयन गराउन र अविलम्ब नयां शिक्षा ऐन जारी गराउनका लागि हो ।

११. मेरो उम्मेदवारी विद्यार्थीलाई उद्यमशील, आत्मनिर्भर र स्वरोजगार वनाउने अभियानका निम्ति हो ।

१२.मेरो उम्मेदवारी संगठन र पार्टी आन्दोलनमा मधेसलाई जोडेर पहिलो संगठन र पहिलो पार्टी वनाउने अभियानमा टेवा पुर्याउनका निम्ति समेत हो ।

क्रान्तिकारीमा यस्तो छ यादवको इतिहास :

२०६७ सालमा उपत्यका स्थित अखिल (क्रान्तिकारी) एन.सि.आई.टी. कलेज मूल इकाई कमिटी सदस्य बनुभएका यादव सोही कमिटीको दुई कार्यकाल उपाध्यक्ष हुंदै २०७० सालमा अध्यक्ष बन्नुभएको हो। २०६९ सालमा अखिल (क्रान्तिकारी) पोखरा वि.वि काठमाण्डौ उपत्यका जिल्ला सदस्य हुंदै २०७२ सालमा सचिव हुँदै २०७३ मा केन्द्रीय सदस्य बन्नुभएका अनेरास्ववियू (क्रान्तिकारी) २०७६ मा केन्द्रीय सदस्य, अनेरास्ववियू (एकता भएको वेला) बन्नुभएको थियो।

२०७७ मा केन्द्रीय सदस्य हुदै २०७७ मा सहसंयोजक, अखिल (क्रान्तिकारी) पोखरा विश्वविद्यालय समन्वय समिति । २०७८ विद्यार्थी विशेष जिल्ला / महाशाखा समिति सदस्य, नेपाल कम्युनिष्ट पार्टी (माओवादी केन्द्र) र हाल २०८० मा सचिव, अखिल (क्रान्तिकारी) केन्द्रीय समिति ।