ज्ञानेन्द्र शाहीले सल्यानमा माओवादी विरुद्ध एक शब्द नबोल्दा समेत कपुरकोटका भण्डारीलाई गालि !

सल्यान । यहि माघ १ गते कपुरकोट गाउँपालिका वडा नम्बर ६ को सातामुल भन्ने स्थानमा एउटा भब्य कार्यक्रम सम्पन्न भयो।त्यस सभामा जुम्लाका सांसद ज्ञानेन्द्र शाहीले समग्र कर्णालीको बिकास गर्ने आफ्नो धोको भएको बताउदै सल्यानलाई समेत बिकासमा पछि पर्न नदिने घोषणा गर्नुभयो ।

स्थानीय एक युवाका अनुसार अन्य स्थानमा माओवादीको कडा आलोचना गर्ने शाहीले त्यसदिन भने केहि पनि नराम्रो बोल्न्नु भएको थिएन । उहाँका अनुसार सोही सभामा उपस्थित सल्यानको सांसद अनिशा नेपालीले एउटा कविता मात्र बाचन गर्नुभएको थियो। त्यहि कार्यक्रममा कपुरकोट गाउँपालिका का उपाध्यक्ष तथा माओबादी केन्द्रका युवा नेता प्रकाश भण्डारीले ज्ञानेन्द्र शाहीले गर्नुभएका राम्रा कामको चर्चा गर्नुभएको थियो।उहाँले ज्ञानेन्द्र शाहीलाई सांसद मात्र नभएर आफुजस्ता युवाले अब मन्त्रालयमा देख्न चाहेको बताउनु भएको थियो। जुन कुरा अहिले सामाजिक संजालमा भाइरल भैरहेको छ।त्यही कुरालाई लिएर माओवादी केन्द्र सल्यानका स्थानीय नेताहरुको फरक फरक धारणा आइरहेका छन् ।यस विषय उनै प्रकाश भण्डारीका प्रतिक्रिया हेर्नुहोस् उहाँकै शव्दमा :

‘कमरेडहरू अभिवादन ! यहि माघ १ गते कपुरकोट गाउँपालिका वडा नम्बर ६ को सातामुल भन्ने स्थानमा एउटा  माघी मेला कार्यक्रमलाई सम्बोधन गर्दैगर्दा बोलेको कुराहरू मध्ये ज्ञानेन्द्र शाहीको प्रशंसा गरेको विषय र यसबाट उत्पन्न प्रतिक्रिया का सन्दर्भमा आफ्नो ध्यानाकर्षण भयको अवगत गराउँदछु।

मैले उक्त कार्यक्रममा करिब ८ मिनेट बोलेको थिए। लगभग आधा भन्दा बढी समय हाम्रो महान तथा गौरवशाली पार्टी नेकपा माओवादी केन्द्र ले लिएको विचार गणतन्त्र र यस व्यवस्थाका उपलब्धिकै बारेमा चर्चा गरेको थिए। माननीय अनिषा नेपालीलाई १० वर्षे जनयुद्ध र यसबाट प्राप्त व्यवस्थाको उपलब्धि स्वरूप जन्मिएको प्रतिनिधि पनि भनेको थिए। हाम्रो पार्टीले उठान गरेको प्रत्यक्ष कार्यकारी तथा विज्ञमन्त्रीमण्डलको पक्षमा राप्रपा को नेता ज्ञानेन्द्र शाहीले समेत समर्थन गरेकोमा मैले उनलाई धन्यवाद दिँदै गर्दा गत बजेट सत्रमा संघले कर्णाली प्रदेशलाई गरेको विभेद, प्रधानमन्त्री केपी ओलीको गृह जिल्लाको निर्वाचन क्षेत्र र भौतिक पूर्वाधार मन्त्रीको निर्वाचन क्षेत्र भन्दा पनि कम बजेट सिंगो कर्णालीले प्राप्त गरिरहँदा उक्त विभेदकारी बजेटको विरुद्धमा ज्ञानेन्द्र शाहीले आवाज उठाएको भनी एउटा स्थानीय तहको जनप्रतिनिधिको हैसियतले प्रतिनिधि सभामा केही असल काम गरेको संघीय जनप्रतिनिधि को भूमिकामा रहेको ज्ञानेन्द्र शाहीलाई जनप्रतिनिधिको भावनामा आवश्यकताभन्दा अलि बढी प्रशंसा गर्न पुगेछु।

मैले जुम्ला जिल्लामा र सिङ्गो कर्णाली प्रदेशमा हाम्रो पार्टी नेकपा माओवादी केन्द्र ले गरेको क्रान्तिकारी परिवर्तन तथा माओवादी पार्टी जुम्ला का नेता कमरेड नरेश भण्डारी लगायतले जुम्लामा रोपेको विकास र परिवर्तनको बिरुवालाई ज्ञानेन्द्र शाहीले गोडमेल गर्ने अवसर पाएको हुनाले आज जुम्लामा आफ्नै जलस्रोतको विद्युत, आफ्नै मेडिकल कलेज, सिजा सभ्यता र फलफुलको बजारीकरण हुन सकेको भनी हाम्रो पार्टी नेतृत्वको खुलेर प्रशंसा गर्न पनि लगाएको थिए।

मैले उक्त सम्बोधनमा ज्ञानेन्द्र शाही उमेरका हाम्राे पार्टीबाट प्रतिनिधित्व गर्ने माननीय सुबोध सापकोटा, कमरेड राजन लगायतको प्रशंसा गर्दै पार्टी अध्यक्ष कमरेडले स्वतन्त्र जनप्रतिनिधिहरूलाई गणतान्त्रिक व्यवस्थाका सुन्दर फुलहरू भन्नुभएको कुरालाई समेत स्मरण गराउँदै हामी माओवादीहरू वर्तमानमा असल कर्म गर्नेहरूलाई समर्थन गर्ने गरेको, प्रशंसा गर्ने गरेको र सुशासन एवं भ्रष्टाचार विरोधी अभियानमा देशको सदैव नेतृत्व गर्न तयार रहेको पनि भनेको थिए।

तर दुर्भाग्यवस केही पित पत्रकारहरू र मेरा विरोधीहरूले सबै कुराहरूलाई काटेर केवल ज्ञानेन्द्र शाहीलाई प्रशंसा गरेको विषय मात्रै सार्वजनिक गरिदिएछन् र मलाई आफ्नो पार्टी प्रति प्रतिबद्ध नभएको आलोकाँचो तथा अन्टसन्ट अभिव्यक्ति दिने पात्रको रुपमा उभ्याइदिएछन्। मैले पार्टी सदस्य प्राप्त गरेको १२ वर्ष भएको छ। यस अवधिमा न त मैले सिद्धान्त बिर्सेको छु। न त प्राविधिक रुपमा रनभुल नै छु। मैले वर्गशत्रुसँग गला मिलाएको कुरा त सबै भन्दा वाहियात तर्क हो। हो यतिबेला भावना मा बगेर दिएको मेरा अभिब्यक्ति द्वारा सहयोद्धा को चित्त दुखेको महसुस गरेको छु।यस प्रकारको घटनाबाट मैले नौलो पाठ सिकेको छु। र नेकपा माओवादी केन्द्रको एउटा सच्चा सिपाही हुनुको नाताले पार्टी सिद्धान्त र व्यवस्थाप्रतिको दृढ प्रतिबद्धता व्यक्त गर्दछु।
साथै जनप्रतिनिधिको हैसियतमा एउटा युवा जनप्रतिनिधिलाई भावना बस सम्मान र प्रशंसा गर्दा यो विषय सम्बन्धितहरूको पार्टी सिद्धान्त प्रतिकुल हुन गएको प्रति कमरेड हरुले खबरदारी गर्नुभएको मा सबै लाई धन्यवाद ज्ञापन गर्दछु।’

यस विषयमा माओवादी केन्द्रका सल्यान संयोजक मान बहादुर मल्ल लेख्नुहुन्छ ‘सार्वजनिक मञ्चमा बोल्दा जिम्मेवार नेता कार्यक्रताले आफ्नो बैचारिक / राजनीतिक धरातल केहो ? प्रष्ट हुनुहोस र आफ्नो धारणा राख्नुहोस ! तपाई बोल्दा तपाईं को व्यक्तित्व बोलिरहेको हुन्छ ,विचार बोलिरहेको हुन्छ त्यहाँ शहिदको लक्ष उदेश्य र तमाम समर्थकको आश्था बोलिरहेको हुन्छ, बोल्दा, लेख्दा सोचेर बोल्नुहोस ,लेख्नु होस,अन्टसन्ट बोलाई लेखाईले अन्टसन्ट नै बनाउछ जिन्दगी।’

यता माओवादी केन्द्र छ्त्रेस्वरिका अध्यक्ष समेत रहनु भएका हिमाल यात्री लेख्नुहुन्छ,’ज्ञानेन्द्र शाहिलाई सल्यान जस्ताे जिल्लामा कपुरकाेट,त्रिवेणी,शानपा ले जयजयकार गर्नु  शाेभनिय नभएको भन्दै बिरोध जनाउनु भएको छ।’

यता पश्चिम बनगाडका युवा नेता दुर्गा बोहराले लेख्नुहुन्छ,’साथिहरु काे तर्क र क्रियाकलाप देखेर उदेक लाग्छ । ल ल ! कामरेडहरू यो अर्काको बारेमा कुरा गरेर समय खर्चिनु भन्दा हामी आफ्नै बारेमा कुरा गरौं अगाडि बढौँ।’