नारायणकाजीको उदय संगै माओवादी केन्द्र सल्यानमा राजनीतिक भुकम्प, तीनवटै गुट प्रतिस्पर्धामा !

सल्यान । नेकपा (माओवादी केन्द्र) सल्यानमा पार्टीका बरिस्ठ उपाध्यक्ष नारायणकाजी श्रेष्ठ समुहको उदय भएसंगै पार्टी भित्र एकाएक हलचल उत्पन्न भएको छ।

यसअघि पार्टी भित्र उपमहासचिवद्वय वर्षमान पुन र जनार्दन शर्माको गुट मात्र अस्तित्वमा रहेकोमा पार्टी भित्र रहेका इमानदार कार्यकर्ताले पार्टी र नेतृत्व बचाउन भन्दै निरन्तर दबाब दिएकाले आफुहरु नारायणकाजीलाई नेतृत्व मान्न तयार भएको नाम बताउन नचाहने शर्तमा एक बैकल्पिक केन्द्रीय सदस्य ले अनलाइन सन्देशलाई जानकारी दिनुभएको छ। उहाँका अनुसार केहिदिन भित्र सल्यानका १० स्थानीय तहमा हुन गैरहेको पार्टीका पालिका भेलाबाट औपचारिक रुपमा खुलेर आफ्नो समुह लाग्ने उहाँको दाबी छ।

हाल सम्म प्रचण्डको रक्षाको लागी निरन्तर लाग्नु भएका पुर्ब मन्त्री,कर्णाली प्रदेशका सह-इन्चार्ज तथा पार्टी केन्द्रीय सदस्य टेकबहादुर बस्नेत संग केहिदिन अघि अनलाइन सन्देशले गरेको कुराकानीमा उहाँले आफु कुनै गुटको नेता नभएको पार्टीको मुल नेतृत्वलाई सहयोग गरिरहेको दाबी गर्नुभयो । तर,पार्टीलाई सहि दिशानिर्देश गर्न र पार्टीलाई चेनअफ कमान्डमा लैजान आफ्नो महत्त्वपूर्ण भुमिका रहने भन्दै पुर्ब मन्त्री बस्नेतले सल्यानका नेता कार्यकर्तालाई पार्टी बलियो बनाउन आग्रह समेत गर्नुभयो ।

श्रोतका अनुसार पुन गुटलाई अहिले माओवादी केन्द्रका केन्द्रीय सदस्य कृतिबहादुर पुन ‘प्रकान्ड’,रमेश मल्ल लगायतका नेताहरूले चलाइरहनुभएको छ । यस्तै श्रेष्ठ गुटलाई एक बैकल्पिक केन्द्रीय सदस्यले चलाइ रहनु भएको छ भने जनार्दन शर्मा गुटलाई माओवादी केन्द्रका केन्द्रीय सदस्य तथा कर्णाली प्रदेशसभा सदस्य भिम प्रकाश शर्माले चलाइरहनु भएको छ।

मंसिर २८ गते सम्पन्न पत्रकार महासंघको टिकट वितरणमा प्रेस सेन्टरको बिधान बिपरित भएको भन्दै नारायणकाजी श्रेष्ठ निकटका प्रेस सेन्टर कर्णाली प्रदेश सचीव तिलक राज वलीले आफुलाई प्रेस चौतारी र प्रेस युनियनले सल्यानको साझा उम्मेदवार मान्दा समेत पार्टीले टिकट नदिए पनि निष्ठा पुर्बक संगठन र पार्टी बनाउने लाइनमा आफु उभिएको बताउनुभयो।बर्षमान पुन निकट कृति बहादुर पुन र जिल्ला पार्टी अध्यक्ष मान बहादुर मल्लसँग पछिल्लो समय आफ्नो केहि बिमति रहेपनि आफुले दुबैलाई सम्मान गर्ने बताउनुभयो । वली तिन बर्ष पहिले पत्रकार महासंघ सल्यानको निर्वाचनमा अन्तरघातकै कारण उपाध्यक्ष पदमा थोरै मतले पराजित हुनुभएको थियो ।

सल्यानमा सबै भन्दा बलियो जनार्दन शर्माको गुट रहेको छ । यसमा हालसम्म खुलेर टिकाराम वली (दर्शन),ज्ञान बहादुर वली (माइकल),प्रेस सेन्टर नेपाल कर्णाली प्रदेश अध्यक्ष प्रतिक इच्छुक शर्मा र पछिल्लो समय धनबहादुर वली(सौरभ) समेत जोडिएको स्रोतले जनाएको छ । हालसम्म नारायणकाजी श्रेष्ठ लाइनमा दुई जना बैकल्पिक केन्द्रीय सदस्य (उहाँहरुकै अनुरोधमा नाम सार्बजनिक नगरिएको), अखिल क्रान्तिकारि सल्यानका पुर्ब जिल्ला अध्यक्ष रमेश बिसि,बागचौर नगरपालिका-४ बाट बल बहादुर वली,कपुरकोट गाउँपालिकाबाट दीपेन्द्र कुमार वली ले आफुहरु पार्टी र नेतृत्व जोगाउनका लागि नै खुलेर लागेको अनलाइन सन्देश संगको कुराकानीमा बताउनु भयो ।

यसैगरी त्रिबेनी गाउँपालिका,छ्त्रेस्वरी गाउँपालिका,शारदा नगरपालिका,बनगाड नगरपालिका,दार्मा गाउँपालिका,सिद्ध-कुमाख गाउँपालिका र बागचौर नगर पालिकाबाट पहिले बर्षमान पुन निकट रहेपनि अहिले भने पार्टीमा बिधि बसाउने सर्तमा आफुहरु नारायणकाजी श्रेष्ठ निकट भएको उहाँहरुको (उहाँहरुकै अनुरोधमा नाम सार्बजनिक नगरिएको) दाबी छ।

यस विषयमा अनलाइन सन्देशले दार्मा गाउँपालिकाका अध्यक्ष तथा पार्टीका बैकल्पिक केन्द्रीय सदस्य (उहाँकै अनुरोधमा हाल पार्टी सदस्य मात्र) को धारणा बुझ्न खोज्दा उहाँले आफु हाल कुनै गुटमा नरहेको र पार्टीमा आफुजस्ता धेरै रहेको बताउनु भयो । उहाँले भन्नुभयो ‘म कुनै गुट होइन पार्टी नै बलियो बनाउने काममा सक्रिय छु।’ यस्तै पार्टीका केन्द्रीय सदस्य नेप बहादुर कुंवर (विवेक) र तिलक मल्ल (क्षितिज)ले आफु प्रचण्डकै लाइनमा प्रतिबद्ध भएर लागेको जानकारि दिनुभयो। यस विषयमा अनलाइन सन्देशले बुझ्न् खोज्दा कृति बहादुर पुनले यो समाचार तयार पार्दा सम्म फोन उठाउनु भएको छैन । यस्तै शारदा नगर समिति उपाध्यक्ष चेतन गिरिले आफु प्रचण्ड नेतृत्वको लाइनमा प्रष्ट रहेको बताउनुभयो।

कर्णालीका अन्य ९ जिल्लामा पार्टी र जन- संगठनहरु पछिल्लो समय चलायमान भएपनि सल्यानमा नेकपा (माओवादी केन्द्र) सुतेको अबस्थामा १० पालिकाको नयाँ नेतृत्व कसरी चुन्ने ?अनि कस्ता ब्यक्तिलाई छान्ने ? भनेर आफु रनभुल्लमा परेको बागचौर नगरपालिका-१२ का माओवादी केन्द्रका पार्टी सदस्य टेक बहादुर वलीले अनलाइन सन्देशलाई जानकारी दिनुभयो ।

पार्टी भित्रको यो तिन लाइन छ्ताछुल्ल गुटबन्दीबाट सल्यान माओवादी केन्द्रले कसरी पार पाउने हो ? अनि कुन बिधिमा पार्टी चल्ने हो ? त्यो हेर्न भने केहि दिन नकुरि सुखै छैन। (आवरण तस्वीर सौजन्य: रातोपाटी डटकम )