दाङको लमहीमा मोटरसाइकल दुर्घटना हुँदा सल्यानका डाँगीको मृत्यु

दाङ।दाङको लमहीमा मोटरसाइकल दुर्घटना हुँदा एकजनाको मृत्यु भएको छ ।

मृत्यु हुनेमा सल्यानको बागचौर नगरपालिका-३ पुतलीबास घर भई हाल तुलसीपुर-९ बेलुवा बस्ने ३० वर्षीय लिलाराम डाँगी (हरी) रहेको इलाका प्रहरी कार्यालय लमहीले जनाएको छ ।

लमही बजारबाट तुलसीपुरतर्फ फर्कदै गरेको रा ७ प ४९५४ नम्बरको मोटरसाइकल रातोडाँडामा रहेको प्रहरीको ब्यारिकेडमा ठोक्किएर आज बिहान ४ बजे दुर्घटना भएको इन्सपेक्टर रकम खड्काले जानकारी दिनु भएको छ ।मोटरसाइकलको पछाडि सवार डाँगीको उपचारका लागि लमही अस्पतालमा लगिएको र त्यसलगत्तै अस्पतालले मृत घोषणा गरेको थियो ।

मोटरसाइकल चालक रोशन विकको अवस्था सामान्य रहेको  उहाँलाई वडा प्रहरी कार्यालय लमहीले नियन्त्रणमा लिएको जिल्ला प्रहरी कार्यालय दाङले जनाएको छ।